من روائع حامد زيد \ قصيده .. غرام الاحباب..

على ذاك الطريق اللي يسمونـه غـرام أحبـاب :+: وطت رجلي على دربه ولا أدري وش نوى فيني
تبعته لآخر دروبـه إليـن ان القمـر قـد غـاب :+: تعـب قلبـي ولا تعبـت مسـافـات توديـنـي
لقيت الليله الجردى هدب ظل وسماء وأعشـاب :+: بعـد ذاك الظـلام اللـي يتوهـنـي عناويـنـي
صدفتك معجبه فينـي وياليـت الغـرام أعجـاب :+: وتراك أنـت الغـرام اللـي هقيتـك تستحقينـي
عطيتك عشق من قلبي وسلمـت لغـلاك أرقـاب :+: وغيـرك يحتـرق قلبـه ولا يـقـدر يحاكيـنـي
أنا قبلك صدفت عيون لكن ويـش جـاب لجـاب :+: وترى كـل العيـون اللـي لقتنـي مـا تكفينـي
رماني حظي العاثـر عليـك وجيـت لـك طـلاب :+: ولا انتي اللي عشقتيني ولا انتي اللـي عتقتينـي
تعالي وارحمي ذاك الخفـوق المولـع المرتـاب :+:ماهوب لأجلـي عشـان الله يجازيـك ويجازينـي
تعدي في سماء عشقي ولو عشقي خراب أصحاب :+: وصوني بالهوى نفسـك قبـل لأنتـي تصونينـي
وشيليني علـى متنـك خفـوق بـاري منصـاب :+: ومن فـوق الغـرام العـذب شيلينـي وحطينـي
ولامنـك هقيتينـي شجـاع ولا يطيـق أيـهـاب :+: انـا لـك بالهـوى والله مثـل لأنتـي هقيتينـي
أنا ما امشي ورى غيرك ولو أنـه يطـق البـاب :+: وترى عيب علي أطعـن ولـو كثـرت سكاكينـي
زهـود مـا يطيـق الـدم لا دايـن ولا طــلاب :+: شجاع وعـارف نفسـي واظـن انـك تعرفينـي
غيور ما عرفت اضحك مع الغدر ببرود أعصـاب :+: أبيـع عيونـي الثنتيـن قبـل أنـك تخونيـنـي
وإذا شد الغرام أحـط قلبـي بيـن نـاب ونـاب :+: لفرقـى تكسـر ضلوعـي ولا عشـق يوطينـي
أنا رجل ولي غيـره وإذا شفـت الهـوى كـذاب :+: تثـور بقلبـي الفزعـة ولا تهـدى شياطيـنـي
سؤالك لو يزعزع بي كيانـي مـا قبلـت عتـاب :+: أجيلك وأسألك نفـس السـؤال اللـي سألتينـي
عن العشق القديم أبواب وتقفيهـا كثيـر ابـواب :+: بعد ذاك الحبيب اللـي خدعنـي وأنخـدع فينـي
أبي عشق تحسب له كل نظرات العيـون حسـابٍ :+: وأبي قلب على قلبي وأبـي ديـن علـى دينـي
وأبي كلمة عهد توفي ولا تخلف بـدون أسبـاب :+: وأبـي منـك قبـل انـك تصديـنـي توديـنـي
وأبي درب على العذال صعـب ومتعـب وغـلاب :+: وأبي نفس الطريـق الصعـب يبعدهـم ويدنينـي
ترى لو للقلوب عيون ولدمـوع العيـون أهـداب :+: حشى مـا تنـزل الدمعـة لغيـرك لـو تركتينـي
أنا أول من عرف قدرك وأنا توي صغير وشـاب :+: وأبـي منـك مـا دام أنـك عرفتينـي تحبينـي
مادام اني لقيتك في طريق اسمه غـرام احبـاب :+: دخـيـل الله وبـعـد الله دخيـلـك لا تخليـنـي
مادام ان كل من يحيى على وجه التـراب تـراب :+: عسـى تنسانـي الدنيـا مـادام انتـي ذكرتينـي

وسلامتكم ..،

يسلمووو على الطرح ×× دمتي بوود ××